Քեմբրիջի բառարանը տարվա բառն է ճանաչել «հալյուցինացնել» (անգլ․ hallucinate) բայը, որը կապված է արհեստական ​​ինտելեկտի հետ:

Մամուլի հաղորդագրության համաձայն՝ դա պայմանավորված է լեզվական մոդելների լայն կիրառմամբ։

Նշվում է, որ 2023 թվականին արհեստական ​​ինտելեկտի (AI) նկատմամբ հետաքրքրության աճ է գրանցվել՝ շնորհիվ թողարկված գործիքների առատության, ինչպիսիք են ChatGPT-ն, Bard-ն, DALL-E-ն և BingAI-ն:

Դրանք հիմնված են լեզվական մոդելների վրա՝ բնական լեզվի մաթեմատիկական մոդելների, որոնք հաշվի են առնում տվյալների մեծ ծավալի մեջ որոշակի բառերի առաջացման հավանականության բաշխումը։

Հանրաճանաչության աճը ստիպել է Cambridge Dictionary-ի բառարանագիրներին ավելացնել AI-ի հետ կապված նոր սահմանումներ:

Մյուս բառերը լրացուցիչ իմաստներ են ստացել, օրինակ՝ «հալյուցինացնել» բայը, որն այժմ նաև նշանակում է ստեղծել ոչ ճիշտ տեղեկատվություն:

Նշվում է, որ այս բառը նոր իմաստ է ստացել արհեստական ​​ինտելեկտի (AI) տեխնոլոգիայի մշակմամբ։ Քեմբրիջի բառարանը տերմինը սահմանում է որպես արհեստական ինտելեկտի կողմից «կեղծ տեղեկատվության» արտադրում: