Հարավային Կորեայում ռազմական դրության հաստատումից հետո երկրի քաղաքացիները սկսել են պահածոներ գնել ու Telegram ներբեռնել։

Դեկտեմբերի 3-ի երեկոյան հարավկորեական խանութներում պահածոների վաճառքը շաբաթվա ընթացքում աճել է 337,3%-ով, այս մասին հայտնել են ԶԼՄ-ները։

Արագ պատրաստվող լապշայի վաճառքն աճել է 253,8%-ով, շշալցված ջուրը՝ 141%-ով, եփած բրինձը՝ 128,6%-ով, մարտկոցների և դեղամիջոցների վաճառքը՝ 40%-ով։

Աճ է գրանցվել նաև Telegram-ի օգտատերերի թվի մեջ։ Մարդիկ անհանգստացած են եղել մեսենջերների անսարքություններից, և, հետևաբար, ռազմական դրության ժամանակ հարազատների և ընկերների հետ կապի մեջ մնալու համար սկսել են ներբեռնել Telegram-ը, որի սերվերներն արտերկրում են։

Դեկտեմբերի 4-ին հարավկորեական խոշորագույն արհմիութենական կազմակերպությունը՝ Արհմիությունների կոնֆեդերացիան, անժամկետ գործադուլ է հայտարարել, մինչև երկրի նախագահ Յուն Սեոկ-Յոլի հրաժարական տա։

Դեկտեմբերի 3-ին Հարավային Կորեայի նախագահ Յուն Սեոկ Յոլը հայտարարել է հանրապետությունում ռազմական դրություն մտցնելու մասին։ Նա այս որոշումը բացատրել է «հյուսիսկորեական կողմի ուժերին արմատախիլ անելու և ազատ սահմանադրական կարգը պաշտպանելու» անհրաժեշտությամբ, մինչդեռ լրագրողները պետության ղեկավարի գործողությունները կապում են քաղաքական հակառակորդների՝ նրա դեմ իմփիչմենթի գործընթաց իրականացնելու փորձերի հետ։