Ժամանակները փոխվում են, և ԵԱՀԿ անդամ երկրների հարաբերությունները աշխարհաքաղաքական կարևոր փորձությունների են ենթարկվում։
Այս մասին կառույցի արտգործնախարարների խորհրդի 31-րդ նիստի բացման խոսքում ասել է ԵԱՀԿ գործող նախագահ, Մալթայի արտաքին և եվրոպական գործերի նախարար Յան Բորգը։
ԵԱՀԿ նախագահը նաև անդրադարձել ռուս-ուկրաինական պատերազմին։
«ԵԱՀԿ-ում Մալթայի նախագահությունը համընկնում է ճգնաժամային ժամանակաշրջանի հետ, ինչպես այս կազմակերպության, այնպես էլ համաշխարհային մասշտաբով։ Սա 2022 թվականին Ուկրաինայում Ռուսաստանի ռազմական միջամտությունից հետո կայացած հանդիպումներից մեկն է։
Ռուս-ուկրաինական պատերազմը համակարգված վտանգ է ստեղծել Եվրոպայի անվտանգության համար։ Իմ նախորդ ելույթում ես հայտարարել էի, որ այն քայլերը, որոնք մենք այսօր անում ենք խաղաղության հասնելու համար, հաշվարկվելու են մեր վաղվա համար։ Այս օրն արդեն հասել է, բայց Եվրոպայում խաղաղության ապահովման առումով քիչ բան է փոխվել։
ԵԱՀԿ-ի և նրա շրջակայքում անվտանգության սպառնալիքները բարդ են: Իրավիճակը նոր չէ ԵԱՀԿ-ի համար, և վստահ եղեք, այն չի կայունանա, քանի դեռ մենք դրա դեմ գործողություններ չենք ձեռնարկել»։