39-ամյա տղամարդը մի խումբ, նախնական տվյալներով շուրջ 13, անձի հետ այցելել է Երևան քաղաքի Շիրակի փողոցում գտնվող ՍՊ ընկերություն և տնօրենին առաջարկել հովանավորչություն իրականացնելու դիմաց, նաև իր ֆինանսական խնդիրները լուծելու համար իրեն տալ ամսական վարձատրություն:

Ստանալով ընկերության տնօրենի մերժումը՝ նշված անձն իր համախոհների հետ միասին, միմյանց գործողությունները փոխլրացնելով, հարվածներ են հասցրել տնօրենին, ապա վերջինիս վայր ընկնելուց հետո շարունակել են այդ գործողությունները՝ հարվածներ հասցնելով նրա դեմքի, պարանոցի և գլխի շրջաններին։

Այդ ընթացքում աշխատասենյակում գտնվող չհրկիզվող պահարանից հափշտակել են խոշոր չափերի, նախնական տվյալներով, 2.500.000 ՀՀ դրամ գումարը։

Որոշում է կայացվել՝ 39-ամյա տղամարդու նկատմամբ ՀՀ քրեական օրենսգրքի 252-րդ հոդվածի 2-րդ մասի 3-րդ և 7-րդ կետերով հանրային քրեական հետապնդում հարուցելու մասին, և նրան ներկայացվել է մեղադրանք:

Վերջինիս նկատմամբ որպես խափանման միջոց է կիրառվել կալանքը։