Տարիներ շարունակ ականատես ենք դեպքերի ոստիկանության աշխաակիցների վայրագությունների հետ կապված, երբ մարդկանց ծեծում են տեսախցիկի առջև, և խոսքը միայն իմ մասին չէ, նախորդ տարիներին էլ ունենք նման դեպքեր։ Հետո՝ ոստիկաններին բերում են, սուտ ցուցմունք են տալիս և ասում, որ իրենց հարվածել են, ինչը բացարձակ սուտ է։ Դատարանը կալանք է սահմանում, և մարդկանց փակում են, միայն եզակի դեպքերում, երբ դատավորն ունենում է ինչ-որ խիզախություն, նման սցենար չի լինում։ Այսինքն՝ երբ հստակ երևում է տեսախցիկների միջոցով, թե ինչ է կատարվում, և այդ ամենը հետևանք չի ունենում, միայն ձևական վարույթներ են բացվում։ Այս հարցը ԱԺ-Կառավարություն հարցուպատասխանի ժամանակ «Հայաստան» խմբակցության պատգամավոր Լևոն Քոչարյանն ուղղեց ՆԳ նախարար Վահե Ղազարյանին։
«Այս ամբիոնից ուզում եմ օֆիցիալ հայտարարել, որ ոստիկանությունը երբևիցե նման համբերատար կերպով չի աշխատել, ինչպես այսօր։ Առիթ ունեմ ասելու, որ ոստիկանությունը 24 ժամ ռեժիմով աշխատել է։ Թույլ չենք տա, որևէ մեկն այս երկրում կատարի այն արարքը, որը եղել է նախկինում։ Ինչ վերաբերում է մարդկանց ուղղորդելուն, ես ձեզ վստահեցնում եմ, որ նման բան չկա և չի կարող լինել։ Ամենակարևորը, ոստիկանությունը երբեք նման պահվածք չի ունեցել։ Եվ դա այսօր բոլորի աչքին տեսանելի է։ Եթե Երևանում 2022թ գրեթե ամեն օր եղել են միտինգներ, ոչ մի փշալար չի եղել, ոչ մեկի քթից արյուն չի եղել։
Գեղամ Մանուկյանի գործն իմ անմիջական հսկողության տակ է, նախնականով՝ պատահականություն է»,- պատասխանեց նա, երբ ընդդիմադիր Գեղամ Մանուկյանը տեղից հիշեցրեց, որ իր քիթն էին ջարդել ոստիկանները, և նա վիրահատվեց։
Մանրամասները՝ տեսանյութում