Այսօր առավոտյան MediaHub.am լրատվական կայքը գրել էր, որ Մեծամոր քաղաքն աղբի մեջ կորած է։ Պատճառն էլ, ինչպես պարզվեց, աղբատար մեքենայի խափանումն էր։
Մեր նյութից ժամեր անց համայնքապետարանի ֆեյսբուքյան էջում հրապարակում է արվել, որտեղ առկա լուանկարներում երևում է՝ ինչպես է իրականացվում քաղաքի աղբահանությունը։
Համայնքապետարանի ֆեյսբուքյան էջի գրառումը ներկայացնում ենք ստորև․
«Աղբահանության աշխատանքները իրենց ստաբիլ ընթացքի մեջ են, իսկ խնդիրները` վերացված։ Շնորհակալություն ենք հայտնում բոլոր այն սրտացավ մարդկանց ու լրատվամիջոցներին, որոնք ուշադրության կենտրոնում են պահում համայնքը և ժամանակին բարձրացնում առկա խնդիրները, ինչի շնորհիվ դրանք ստանում են պրակտիկ լուծուներ։
Առանձնակի շնորհակալություն ենք հայտնում Մեդիահաբ (Mediahub.am) լրատվական կայքին և լրագրող Նարե Գևորգյանին՝ խնդիրը բարձրաձայնելու և հետևողական լինելու համար»։
Այսպիսով, հերթական խնդիրն է կարգավորվում՝ մեր բարձրաձայնումից հետո։
Նարե Գևորգյան