ՀՀ իշխանությունը չի հայտարարել, որ նոյեմբերի իննի հայտարարության իններորդ կետը չի կատարելու։ Այդ մասին այսօր ԱԺ-ում լրագրողների հետ զրույցում ասաց ՔՊ-ական պատգամավոր Արման Եղոյանը։ Նշենք, որ նա արձագանքում էր լրագրողի հարցին, որը ԱԽ քարտուղար Արմեն Գրիգորյանի միտքն էր մեջբերել, թե ապաշրջափակված ճանապարհների վերահսկողությունն իրականացնելու է հայկական կողմը, այլ ոչ՝ ռուսականը։
Նրա խոսքով՝ հայ-իրանական սահմանի երկայնքով կան ռուս սահմանապահ ուժերի ուղեկալներ։
«Այստեղ երկու հարց պիտի տարանջատենք․ ՀՀ իրավազորության տակ գտնվող ճանապա՞րհ, թե՞ դրանից դուրս գտնվող ճանապարհ։ ՀՀ իրավազորությունից դուրս ճանապարհներ չեն լինելու»,- նկատեց նա։
Ըստ Եղոյանի՝ հսկողությունն իրականացնելն այլ բան է, իրավազորության տակ գտնվելն՝ այլ։
«Այդ ճանապարհը պետք է լինի ՀՀ իրավազորության տակ, և այնտեղ պետք է լինի ՀՀ-ն ներկայացնող սահմանապահ»,- նշեց նա։
Մանրամասները՝ տեսանյութում։