Վիտամինների չափից ավելի օգտագործումը կարող է հանգեցնել լուրջ հետեւանքների. զգուշացրել է բժշկական գիտությունների թեկնածու, հեպատոլոգ Սերգեյ Վյալովը։ Վիտամին D-ն հատկապես վտանգավոր է, կարծում է նա։
Ճիշտ ընտրված սննդամթերքը պարունակում է առողջ մարդուն անհրաժեշտ բոլոր վիտամինները, սակայն չգիտես ինչու շատերը վստահ են, որ իրենց օրգանիզմը տառապում է այդ միկրոէլեմենտների պակասից, նշել է Վյալովը։
Առանց մասնագետի հետ խորհրդակցելու վիտամինային հավելումների ընդունումը կարող է հանգեցնել հիպերվիտամինոզի, շարունակեց բժշկական գիտությունների թեկնածուն։
Որպես օրինակ՝ բժիշկը բերեց վիտամին D-ն։ Նրա խոսքով՝ այս նյութի չարաշահումը կարող է բացասաբար ազդել ոչ միայն ոսկորների, արյան անոթների և իմունային համակարգի վիճակի, այլև մարդու ճանաչողական կարողությունների վրա։