Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

«Տոսկաննա»-ի մոտ բախվել են Nissan Xterra-ն ու Renault Logan-ը. վիրավորներ կան

Blog Image

Երեկ՝ նոյեմբերի 12-ին, խոշոր ավտովթար է տեղի ունեցել Երևանում: Ժամը 19:00-ի սահմաններում Գարեգին Նժդեհ փողոցում՝ «Տոսկաննա» հյուրանոցային համալիրի մոտ բախվել են Nissan Xterra մակնիշի և Renault Logan մակնիշի ավտոմեքենաները: 

Ինչպես հայտնում է ֆոտոլրագրող Գագիկ Շամշյանը, վթարի հետևանքով 3 հոգի մարմնական վնասվածքներով տեղափոխվել են «Էրեբունի» բժշկական կենտրոն:

Բախման հետևանքով Nissan-ը դուրս է եկել երթևեկելի գոտուց և բախվել հյուրանոցային համալիրի պատին:

Վիրավորներին առաջինը օգնության են հասել քաղաքացիները և օպերատիվորեն ժամանած շտապօգնության բժիշկների հերթապահ խումբը: 

Վթարի փաստով քննչական բաժնում նախաձեռնվել է քրեական վարույթ: Պարեկային ծառայությունն ու քննչական բաժինը պարզում են վարորդների և վիրավորների ինքնությունը:

Send