Այսօր կառավարություն-ԱԺ հարցուպատասխանի ժամանակ ՔՊ-ական պատգամավոր Ալխաս Ղազարյանը հարցրեց Նիկոլ Փաշինյանին, թե օրերս Հանրային ռադիոյում իր տված հարցազրույցից, որտեղ նա խոսում է հայ-վրացական հարաբերության մասին, կարո՞ղ է ենթադրել, որ Հայաստանի և Վրաստանի միջև ռազմավարական բնույթի հարաբերությունները նոր փուլ են մտնում։
Նիկոլ Փաշինյանն էլ, պատասխանելով հարցին, ասաց, որ Հանրային ռադիոյում տված հարցազրույցում ինքը խոսել է ռազմաքաղաքական խորը համագործակցության մասին, որ Վրաստանն ունի Թուրքիայի և Ադրբեջանի հետ, և հարցադրում է արել, թե ինչու է այդպես։
«Եւ նկատի ունեմ, ընդհանրապես, մեր միջավայրի հետ կապված խնդիրներ քննարկելիս մենք, որպես կանոն, հարցերը դիտարկում ենք Թուրքիայի և Ադրբեջանի տրամաբանության մեջ և ես կարծում եմ, որ շատ հաճախ սա մեզ այնքան էլ չի օգնում՝ ընկալելու օբյեկտիվ իրականությունը։ Եւ ես շատ դեպքերում ասում եմ, որ հայտնի պատմությունների և պատմության բերումով այդտեղ էմոցիաները, որ վերաբերում են Ադրբեջանին և Թուրքիային, գուցե մեզ էդքան էլ լայն հնարավորություն չեն տալիս օբյեկտիվ միջավայրի հետ կապված՝ օբյեկտիվ եզրահանգումների գալ։ Ինչ վերաբերում է Վրաստանի հետ ստորագրված ռազմավարական գործակցության և երկխոսության մասին հռչակագրին, ես կարող եմ ասել, որ էնտեղ, ըստ էության, նախատեսված են բոլոր ուղղությունները»,- ասաց Փաշինյանը։
Մանրամասն՝ տեսանյութում