Բոլիվիայում բախումներ են եղել երկրի նախկին նախագահ Էվո Մորալեսի կողմնակիցների և ոստիկանների միջև, ովքեր սկսել են 19 օր շարունակ ցուցարարների կողմից արգելափակված ճանապարհների ապաշրջափակման գործողությունը:
Ցուցարարները դժգոհ են երկրում սննդամթերքի թանկացումից ու վառելիքի պակասից։ Նրանք նաև ցանկանում են դադարեցնել Մորալեսի նկատմամբ հետաքննությունը, ով կասկածվում է մարդկանց թրաֆիքինգի և անչափահասի նկատմամբ բռնություն գործադրելու համար։ Ակտիվիստներին հաջողվել է գրավել զորամասը.
Օգտագործվել է դինամիտ և արցունքաբեր գազ։ Բոլիվիայի ոստիկանությունը 7 ժամ անց մաքրել է արգելափակված ճանապարհներից մեկը՝ Պարոտանի բնակավայրի մոտ հատվածը, որը կապում է Կոչաբամբայի դեպարտամենտը նահանգի արևմուտքի հետ։
Մորալեսը հացադուլ է հայտարարել, քանի դեռ կառավարությունը չի բանակցել։ Ավելի վաղ Բոլիվիայի ԱԳՆ-ն նրան մեղադրել էր սահմանադրական կարգը տապալելու եւ երկրում իրավիճակը ապակայունացնելու փորձի համար։