Այսօր՝ հոկտեմբերի 22-ին, ավտովթար է տեղի ունեցել Երևանում: Ժամը 00:50-ի սահմաններում Ավան վարչական շրջանում՝ Մ. Բաբաջանյան փողոցում՝ «Նարեկացի» թաղամասի թիվ 40 շենքի մոտ բախվել են 23-ամյա Էրիկ Պողոսյանի վարած BMW մակնիշի և Հեկտոր Մեսրոպյանի վարած, ում տարիքը ճշտվում է, Opel Zafira մակնիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով BMW-ն կողաշրջվել է, իսկ Opel-ն էլ բախվել է երկաթե էլեկտրասյանը:

Օպերատիվորեն ժամանել են նաև Երևանի 1-03 շտապօգնության բժիշկների հերթապահ խումբը, սակայն վարորդները հրաժարվել են բժիշկների օգնությունից, հայտնելով, որ իրենք չեն տուժել:

Վթարի փաստով ՊԾ Երևան քաղաքի գնդի 1-ին գումարտակում փաստաթղթեր են ձևակերպվում: