Չինաստանը պատժամիջոցներ է սահմանել Միացյալ Նահանգների յոթ ռազմարդյունաբերական ձեռնարկությունների դեմ՝ Թայվանին զենք վաճառելու պատճառով, հայտնել է Չինաստանի արտաքին գործերի նախարարությունը։
Չինաստանի արտաքին գործերի նախարարությունը նշել է, որ Միացյալ Նահանգները վերջերս կրկին հայտարարել է Թայվանին մեծ քանակությամբ ռազմական օգնության և զենքի վաճառքի մասին:
«Սա կոպտորեն խախտում է «մեկ Չինաստան» սկզբունքը և չին-ամերիկյան երեք համատեղ կոմյունիկեն, լուրջ միջամտություն է Չինաստանի ներքին գործերին, նաև վնասում է Չինաստանի ինքնիշխանությունն ու տարածքային ամբողջականությունը», - նշել է Չինաստանի ԱԳՆ-ն։
Պատժամիջոցներ են սահմանվել Insitu, Hudson Technologies, Saronic Technologies, Raytheon Canada, Raytheon Australia, Aerkomm, Oceaneering International ընկերությունների և դրանց ղեկավարների դեմ։