«Հըզբոլլահը» կշարունակի աջակցել Սիրիային և հույս ունի, որ երկրի ներսում իրավիճակի կայունացումից հետո Դամասկոսն ակտիվորեն կհակազդի Իսրայելի ագրեսիվ քաղաքականությանը, ասվում է արմատական շարժման տարածած հայտարարության մեջ։
«Մենք կշարունակենք աջակցել Սիրիային և նրա ժողովրդին»,- ասվում է հայտարարության մեջ։
«Հըզբոլլահը» հույս է հայտնել, որ Սիրիան կկայունանա իր պայմաններով, կհասնի իր վերածննդին և հաստատակամ դիրքորոշում կպահպանի «Իսրայելի օկուպացիայի դեմ՝ միաժամանակ կանխելով արտաքին միջամտությունը իր գործերին»:
«Այն, ինչ այսօր տեղի է ունենում Սիրիայում, թե՛ ժողովրդական, թե՛ քաղաքական մակարդակներում, և դրա հետևանքով ներքին և արտաքին քաղաքական ընտրությունները բացառապես սիրիացի ժողովրդի իրավունքն է՝ զերծ արտաքին ազդեցություններից և ճնշումներից», - ասվում է հայտարարության մեջ։