Պորտուգալիայի կառավարությունը ութօրյա տագնապի ռեժիմ է հայտարարել՝ անտառային հրդեհների տարածման վտանգի պատճառով, քանի որ երաշտից տուժած երկրում սպասվում է 43 աստիճան տաքություն՝ ըստ Ցելսիուսի սանդղակի: Այս մասին հայտնում է AP լրատվական գործակալությունը եւ հավելում, որ կառավարության հինգ գերատեսչությունների համատեղ հայտարարության մեջ ասվում է, որ շոգ եղանակը մեծացնում է «անտառային հրդեհների ռիսկի զգալի վատթարացումը» մինչեւ հուլիսի 15-ը
Բարձր տագնապային վիճակ հայտարարելը կառավարությանը նախազգուշական միջոցներ ձեռնարկելու ժամանակավոր իրավունք է տալիս։ Ուրբաթ օրը ընդունված սահմանափակումները ներառում են հատուկ ռիսկային համարվող անտառներ հանրային մուտքի արգելք, կայծեր առաջացնող գյուղատնտեսական տեխնիկայի արգելք եւ հրավառության արգելք, որոնք սովորաբար օգտագործվում են ամառային փառատոնների ժամանակ:
Հայտնի է, որ 2017 թվականին հրդեհների հետևանքով զոհվել է ավելի քան 100 մարդ:
Պորտուգալիայում հազվադեպ չեն նաեւ երաշտն ու ջերմային ալիքները, սակայն կլիմայագետներն ասում են, որ ամբողջ հարավային Եվրոպայում ակնկալվում է ավելի բարձր ջերմաստիճան եւ ավելի քիչ տեղումներ: