Այսօր առավոտյան համացանցում տեսանյութեր հայտնվեցին՝ կապված մետրոյում առաջացած խայտառակ վիճակի հետ։ Տեսանյութերում երևում էր, որ մարդիկ մնացել են մետրոյի կայարանում, քանի որ վալիդատորները չեն աշխատում։
Երևանի Մետրոպոլիտենից MediaHub-ին հայտնեցին, որ խնդիրն առաջացել է Գարեգին Նժդեհ կայարանում և տևել է ընդամենը մեկ րոպե։
«Նույն տեսանյութն է տարածվում համացանցում։ Մեկ րոպե է համակարգը կախել, հետո մարդիկ արդեն արագ սպասարկվել են։ Եթե կադրերն ուշադիր նայեք, շատ մեծ կուտակումներ չեն եղել»,- մեզ հետ զրույցում ասաց Երևանի Մետրոպոլիտենի մամուլի խոսնակ Աննա Ասլանյանը։
Դիտարկմանը, որ նման խնդիրներ հաճախ են առաջանում, այդ առումով իրենք անելիք չունե՞ն, Աննա Ասլանյանը պատասխանեց՝ երբ համակարգը երկար ժամանակով է խափանված մնում, իրենք թույլ են տալիս, որ մարդիկ անվճար անցնեն ու երթևեկեն մետրոյով։
«Իրավիճակային լուծումներ ենք առաջարկում, այլ բան անել չենք կարող»,- նշեց Ասլանյանը։
Նարե Գնունի