ԱՄՆ փոխնախագահ Ջեյ Դի Վենսը «Wall Street Journal»-ին մեղադրել է իր խոսքերի իմաստը խեղաթյուրելու համար և իրավիճակը անվանել անհեթեթ։ Այս մասին նա գրել է իր X էջում։

«Այն, որ WSJ-ն խեղաթյուրել է իմ խոսքերը այնպես, ինչպես արել է այս հոդվածի համար, անհեթեթ է, բայց զարմանալի չէ», - ասվում է գրառման մեջ:

Մեկ այլ հրապարակման մեջ նա նշել է, որ ԱՄՆ-ը երբեք իր զորքերին վտանգի տակ չի դնում «այնտեղ, որտեղ չի առաջ մղում ամերիկյան անվտանգության շահերը»։ Վենսն ընդգծել է, որ հակամարտությունը տեղի է ունենում «Ռուսաստանի եւ Ուկրաինայի միջեւ»։

Խոսքը վերաբերում է WSJ-ին նախորդ օրը տված հարցազրույցին։ Հրատարակությունն իր վերնագրում գրել է, որ Ուկրաինա ամերիկյան զորքեր ուղարկելը «մնում է բանակցությունների սեղանին»։ Սակայն սա Վենսի ուղիղ խոսքում չկա։