Շաբաթ օրը տեղի ունեցած պայթյուններից հետո Ուկրաինայի մի քանի շրջանների մոտ 1,5 մլն բաժանորդ մնում է առանց էլեկտրականության։ Այս մասին հոկտեմբերի 22-ին հայտնել է Ուկրաինայի նախագահի աշխատակազմի ղեկավարի տեղակալ Կիրիլո Տիմոշենկոն։

«Այսօրվա դրությամբ Խմելնիցկիի շրջանում հրթիռային հարձակումների հետևանքով անջատվել է 672 հազար բաժանորդի, Նիկոլաևի շրջանում՝ 188,4 հազար, Վոլինի շրջանում՝ 102 հազար, Չերկասիի շրջանում՝ 242 հազար, Ռիվնեի շրջանու՝ 174,79 հազար, Կիրովոգրադում՝ 61,9 հազար, Օդեսայում՝ 10,5 հազար բաժանորդի էներգամատակարարումը»,- գրել է նա Telegram ալիքում։