ԱՄՆ Սենատը, Ներկայացուցիչների պալատի նախագահ Նենսի Փելոսին, ինչպես նաեւ Ուկրաինայի նախագահ Վլադիմիր Զելենսկին եւ Ուկրաինայի խորհրդարանը միաձայն պաշտպանում են բանաձեւը, որը Պետդեպարտամենտին կոչ է անում Ռուսաստանը ճանաչել որպես ահաբեկչության հովանավոր, սակայն ԱՄՆ պետքարտուղար Էնթոնի Բլինքենը այնքան էլ վստահ չէ, գրում է New York Times-ը։

«Մի քանի շաբաթ պարոն Բլինքենը պնդում ր, որ Ռուսաստանը պաշտոնապես ճանաչվի ահաբեկչության հովանավոր պետություն, ինչպիսին ներկայումս ճանաչված են Հյուսիսային Կորեան, Սիրիան, Կուբան եւ Իրանը: Սակայն, չնայած էմոցիաներին, Բլինքենը դիմադրում է այն անցմանը, որը կստիպի նրան պատժամիջոցներ կիրառել ԱՄՆ-ի դաշնակիցների նկատմամբ, որոնք բիզնես են անում Ռուսաստանի հետ, հնարավոր է՝ ոչնչացնի Վաշինգտոնի եւ Մոսկվայի միջեւ դիվանագիտության մնացորդները»,- նշում է ԶԼՄ-ն:

Հրատարակությունը նշում է, որ հինգշաբթի Բլինքենն ասել է, թե ցանկացած ընտրություն պետք է հիմնված լինի առաջին հերթին գործող օրենսդրական սահմանումների վրա, սակայն ենթադրել է, որ օրենսդիրների կոչը վիճելի է, քանի որ Ռուսաստանն արդեն բազմաթիվ պատժամիջոցների տակ է։

Սակայն, ինչպես ընդգծում է New York Times-ը, այն դեպքում, երբ Սենատի որոշումը պարզապես գործողությունների կոչ էր՝ առանց որեւէ պատժամիջոցային ճնշման, հինգշաբթի օրը Ներկայացուցիչների պալատի մի խումբ դեմոկրատներ բոլորովին նոր միջոց են ներկայացրել, որը, Կոնգրեսի կողմից ընդունվելու եւ օրենքի ստորագրման դեպքում, թույլ կտա շրջանցել Պետդեպարտամենտը եւ Ռուսաստանը կավելացնի ահաբեկչությունը ԱՄՆ-ում հովանավորողների ցուցակում։