Իրանի ԱԳՆ խոսնակ Նասեր Քանանին մեկնաբանել է Ալիևի երեկվա հայտարարությունը՝ Թեհրանի կողմից Հայաստանին աջակցելու մասին.
«Թեհրանի սկզբունքային քաղաքականությունը հիմնված է բարիդրացիության և բոլոր հարևանների հետ հարաբերությունների ընդլայնման վրա։
Իրանը չի ամրապնդում իր կապերը մի հարևանի հետ՝ ի վնաս մյուսի։ Իսլամական Հանրապետությունը մշտապես շեշտը դրել է հարևանների կողմից միմյանց տարածքային ամբողջականությունը հարգելու անհրաժեշտության վրա:
Իսլամական Հանրապետությունը ևս մեկ անգամ իր պատրաստակամությունն է հայտնում՝ օգնելու տարբեր ձևաչափերով լուծել Ադրբեջանի և Հայաստանի միջև առկա խնդիրները, այդ թվում՝ երկկողմ, եռակողմ, ինչպես նաև «3+3» ձևաչափով համագործակցության մեխանիզմով»։