Կողքի քնելը կարող է բացասական ազդեցություն ունենալ դեմքի մաշկի եւ պարանոցի վերին հատվածի վրա, կարող է առաջացնել կնճիռներ եւ դեմքի ասիմետրիա։
Պատճառն այն է, որ դեմքի մի կողմի մաշկը «ճմրթվում» է մի քանի ժամվա ընթացքում, դեմքի եւ պարանոցի վրա կարող են առաջանալ ուղղահայաց ծալքեր, որոնք ձգվում են քթից մինչեւ շրթունքների անկյունները։ Նույնը տեղի է ունենում մարմնի այլ մասերի դեպքում։
Կնճիռներ կարող են հայտնվել դեկոլտեի՝ վզի բացվածքի հատվածում։ Ժամանակի ընթացքում այդ փոփոխությունները դառնում են անշրջելի, քանի որ մաշկը կորցնում է արդյունավետ վերականգնվելու ունակությունը։
Կողքի քնելը կարող է նաև խորացնել դեմքի աննշան անհամամասնությունը, որն ունեն գրեթե բոլոր մարդիկ։ Աչքերը, շրթունքները, ընդհանուր առմամբ դեմքը փոխվում է այն կողմում, որով մարդը քնում է։ Մաշկի երիտասարդության պահպանման համար պետք է քնել մեջքի վրա։ Այդ դիրքը նվազեցնում է կնճիռների եւ այտուցների առաջացման հավանականությունը։