Մարդիկ, ովքեր նիհարում են, պետք է հրաժարվեն որոշ հայտնի մթերքներից՝ դիետա պահելով։ Ասել է սննդաբան ու սպորտային մարզիչ Մարիա Վոլինկինան NEWS.ru-ի հետ զրույցում։
Վոլինկինան մաքուր ձևով շաքարի օգտագործումը որակել է վնասակար ու հիշեցրել, որ դրա չարաշահումը հանգեցնում է ինսուլինի կտրուկ արտազատման և, որպես հետևանք, արյան շաքարի մակարդակի բարձրացման։ Դրա պատճառով, ըստ նրա, քաղցրավենիք ուտելու պահին նկատվում է բարձր կատարողականություն, իսկ հետո գալիս է քնկոտություն ու հոգնածություն։
Դիետոլոգը նաև սպիտակ ալյուր պարունակող բոլոր մթերքները դասակարգել է նիհարելու համար վնասակար, մասնավորապես՝ թխվածք ու մակարոնեղեն, արագ սնունդ, կետչուպ և մայոնեզ։
Վյալովան նաև կոչ է արել դիետայի ընթացքում բացառել կծու, յուղոտ և աղի մթերքները, հատկապես՝ պահածոները, երշիկեղենն ու կիսաֆաբրիկատները։
Նա հավելել է, որ նիհարողների համար լավագույնն է խուսափել ալկոհոլ օգտագործելուց, քանի որ այն նվազեցնում է նյութափոխանակությունը: