Ֆրանսիան ՄԱԿ-ի Անվտանգության խորհրդի նիստում կոչ է արել անվերապահորեն և անհապաղ վերականգնել Լաչինի միջանցքով ապրանքների, մարդկանց և բեռների անխափան տեղաշարժը երկու ուղղություններով։
«Բնակչության համար կարևոր՝ գյուղաշխատանքների խոչընդոտումը նույնպես հարուցում է խոր անհանգստություն։ Անընդունելի է նաև Կարմիր խաչի գործունեության խոչընդոտումը։ Կոչ ենք անում ապահովել գազի և էլեկտրական էներգիայի մատակարարումը, ինչպես նաև պահպանել միջազգային հեղինակավոր ատյանների կայացրած որոշումների կատարումը», ասել է ֆրանսիական ներկայացուցիչը։
Նրա խոսքով՝ արգելափակումը մեկուսացրել է ԼՂ բնակչությանը աշխարհից առանց որևէ լեգիտիմ պատճառի։