ԱՄՆ նախագահ Դոնալդ Թրամփը լրջորեն քննարկում է Ռուսաստանի հետ նավթով առևտուր անող երկրների, այդ թվում՝ Չինաստանի, Հնդկաստանի և Թուրքիայի դեմ խիստ երկրորդական պատժամիջոցներ սահմանելու հնարավորությունը, այս մասին հաղորդել է «The Times» ամսագիրը։
Խոսքը վերաբերում է Ռուսաստանից ներմուծվող ապրանքների վրա 500% մաքսատուրք սահմանող օրինագծին աջակցելուն, որը կարող է արդյունավետորեն վերածվել համաշխարհային նավթային էմբարգոյի։
Այս մոտեցման պատճառը Թրամփի դժգոհությունն է եղել Ռուսաստանի նախագահ Վլադիմիր Պուտինի՝ բանակցություններից ենթադրյալ հրաժարվելը և Ուկրաինայում քաղաքացիական թիրախների վրա հարվածները շարունակելը։
Հիմնական խնդիրը տնտեսական հետևանքների ռիսկն է։ Սպիտակ տունը ցանկանում է պատժամիջոցների վերացման լիազորությունները պահել նախագահի իրավասության ներքո, մինչդեռ Կոնգրեսը առաջարկում է սահմանափակ վերահսկողություն։