Երևանի ավագանու ընտրությունների քարոզարշավը շարունակվում է։ Իշխող «Քաղաքացիական պայմանագիր» խմբակցության հետ այսօր փողոցներում շրջում է նաև ԱԺ նախագահ Ալեն Սիմոնյանը։
Ինչպես քաղաքական բոլոր ուժերին, այնպես էլ ՔՊ-ին քաղաքացիներն ու լրագրողները նույն հարցը տալիս են՝ ի՞նչ դիրքորոշում կա Արցախի հարցի վերաբերյալ։
«Տեղյա՞կ եք, որ սա Երևանի ավագանու ընտրությունների քարոզարշավն է։ ԼՂ վերաբերյալ մեր դիրքորոշումը ԱԺ-ում բազմիցս ասել ենք։ Երևանի քարոզարշավը վերածելն Արցախի հարցի քննարկման, ընդդիմության օրակարգն է, որը, կարծում եմ, ճիշտ չէ։ Հիմա սկսենք արտաքին քաղաքականությունից կամ Արցախի նախագահի հրաժարականի՞ց խոսել»,- նշեց նա։
Ըստ Սիմոնյանի՝ թեկնածուներից շատերը մարիոնետներ են, և աշխարհաքաղաքական ուժերի ներկայացուցիչներ։
«14 ուժերից մեկ, երկու, երեքը մարիոնետներ չեն, իսկ մյուսներն այլ վեկտորներ են առաջ տանում»,- ասաց նա։