Samsung-ը գլխավորում է ծալովի սմարթֆոնների շուկան, սակայն ապագայում կարող է կորցնել իր դիրքերը չինական ապրանքանիշերի նկատմամբ։ Հայտնել է Display Supply Chain Consultants-ն (DSCC) իր վերջին զեկույցում:

Երրորդ եռամսյակի արդյունքներով՝ Samsung Galaxy Z Flip 5-ը ճանաչվել է ամենավաճառվող ծալովի սմարթֆոնը։ Սարքը ստացել է 45 տոկոս օգտագործման բաժին։ Երկրորդ տեղում 24 տոկոսով Samsung Galaxy Z Fold 5-ն է։ Huawei Mate X3-ը և Honor Magic V2-ը զբաղեցրել են համապատասխանաբար երրորդ և չորրորդ տեղերը, որոնցից յուրաքանչյուրը ստացել է 6 տոկոս մասնաբաժին:

Samsung-ը մնացել է սեգմենտի առաջատարը՝ 72 տոկոս մասնաբաժնով։ Huawei-ը մնացել է երկրորդ տեղում՝ 9 տոկոս մասնաբաժինով, իսկ «Honor»-ը հայտնվել է երրորդում՝ ստանալով 8 տոկոս մասնաբաժին։

Ըստ DSCC-ի վերլուծաբանների՝ Samsung-ի մասնաբաժինը 2023 թվականի չորրորդ եռամսյակում կընկնի մինչև 42 տոկոս: Դրա պատճառը մրցակից չինական ապրանքանիշերի ավելի առաջադեմ և էժան սարքերի մուտքն է շուկա։