Մոսկվայում ձերբակալվել է ՀՀ պաշտպանության նախկին նախարար Արշակ Կարապետյանը։ Այս մասին հաղորդում է «112» տելեգրամյան ալիքը, գրել են ԶԼՄ-ները։
«Արշակ Կարապետյանը բերման է ենթարկվել Տվերսկայա փողոցում ցերեկը», - նշվում է հրապարակման մեջ։
Պաշտպանության նախկին նախարարի նկատմամբ հետախուզում է հայտարարվել մի քանի հոդվածներով։ Նա մեղադրվում է «Ձեռնարկատիրական գործունեությանը ապօրինի մասնակցության», «Պաշտոնեական լիազորությունները չարաշահելու» և «Իշխանությունը չարաշահելու» հոդվածներով։
Ավելի ուշ հայտնի է դարձել, որ Կարապետյանին ուղղակի հրավիրել են զրույցի` հիմնված Հայաստանի իրավապահ մարմինների կողմից ստացված փաստաթղթերի։
«Հայաստանի պահանջով Մոսկվայում ձերբակալվել է պաշտպանության նախկին նախարար Արշակ Կարապետյանը։ Նրա նկատմամբ միջազգային հետախուզում է հայտարարվել Քրեական օրենսգրքի մի շարք հոդվածներով»,- ՏԱՍՍ-ին հայտնել է իրավապահ մարմինների ներկայացուցիչը։
Նա նաև նշել է, որ դատարանը շուտով կորոշի նրան Հայաստան արտահանձնելու հարցը։
ՀՀ ՆԳՆ-ն հայտնել է, որ Արշակ Կարապետյանը դեկտեմբերի 29-ին է բերման ենթարկվել, ապա ազատ արձակվել։