Օրեգոնի ոստիկանությունը փորձում է պարզել հրաձիգի դրդապատճառները, ով մի քանի ժամ առաջ AR-15 հրացանից կրակ էր բացել առեւտրի կենտրոնի կայանատեղիում, այնուհետեի՝ մթերային խանութում, ինչի հետեւանքով երկու մարդ է սպանվել, իսկ ինքը՝ հրաձիգը մահացած է հայտնաբերվել, հայտնում է Reuters-ը։ .
Ոստիկանությունն արձագանքել է կիրակի տեղական ժամանակով ժամը 19:00-ին «Ֆորում» առեւտրի կենտրոնում ակտիվ հրաձիգի մասին ահազանգերին, ասել է քաղաքի ոստիկանապետ Մայք Կրանցը գիշերվա մամուլի ասուլիսին։
Հրաձիգը կրակ էր բացել կենտրոնի ավտոկայանատեղիում, ինչից հետո մտել էր մթերային խանութ եւ կրակել տղամարդու վրա, ում հետ բախվել էր այդ պահին: Տղամարդուն տեղափոխել են հիվանդանոց, ավելի ուշ նա մահացել է, ասել է Կրանցը:
Ոստիկանները կրակողին մահացած են հայտնաբերել՝ մոտակայքում AR-15 ինքնաձիգով, ասել է նա՝ նշելով, որ ոստիկանները կրակ չեն բացել։
Հրաձգության հետեւանքով մի մարդ վիրավորվել է, սակայն նրա վիճակի մասին դեռ ոչինչ հայտնի չէ, ասել է Կրանցը։
Նա կրակողի եւ զոհերի ինքնությունը չի հայտնել։