ԱՄՆ պետքարտուղարության Եվրոպայի և Եվրասիայի հարցերով պետքարտուղարի տեղակալի պաշտոնակատար Յուրի Քիմը այսօր ԱՄՆ Սենատի արտաքին հարաբերությունների հանձնաժողովում լսումների ժամանակ հայտարարել է, որ Լաչինի միջանցքը «պետք է բացվի հենց հիմա»։

«Այլևս ոչ մի հետաձգում չպետք է լինի: Երկրորդը՝ ԱՄՆ չի հանդուրժի որևէ ռազմական գործողություն, որևէ հարձակում Լեռնային Ղարաբաղի ժողովրդի վրա», - նշել է նա:

Քիմն ասել է, որ պատերազմը Հայաստանի և Ադրբեջանի միջև ավարտված չէ, և խաղաղություն հաստատելուն ուղղված ԱՄՆ ջանքերը ավելի կարևոր են դառնում: