Փետրվարի 24-ից Ուկրաինայում 5614 խաղաղ բնակիչ է զոհվել, 7946-ը՝ տուժել: RIA Novosti-ի փոխանցմամբ՝ այս մասին հայտարարել է ՄԱԿ-ի գլխավոր քարտուղարի քաղաքական հարցերով տեղակալ Ռոզմարի ԴիԿարլոն կազմակերպության Անվտանգության խորհրդի նիստում՝ նշելով, որ սրանք միայն ճշտված տվյալներն են:

Նրա խոսքով՝ կողմերի ռազմագերիների վիճակը խիստ անհանգստացնում է ՄԱԿ-ին: «Բոլոր ռազմագերիները գտնվում են միջազգային մարդասիրական իրավունքի պաշտպանության ներքո», – ասել է ԴիԿարլոն: