Այսօր վերջնականապես դրվեց Նիկոլ Փաշինյանի թուրքացման հիմքը։ Այն նույն ժամանակահատվածում, երբ Թուրքիայում թուրք զինվորականները (ասկյարները) պատվի են առնում Նիկոլ Փաշինյանին, Հայաստանում հայ ոստիկանները զանգվածաբար ձերբակալում են ՀՀ քաղաքացիներին։ Սակայն էլ ավելի ծայրահեղ գործընթացներ են տեղի ունենալու, երբ նա ստանալով Էրդողանի երաշխավորությունը վերադառնա Հայաստան։ Փաշինյանն այլևս կորցնելու ոչինչ չունի, նա հստակ է գիտակցում, որ այն օրը, երբ կորցնի իշխանությունը, իր անձի հանդեպ չի լինելու գթասրտության որևէ դրևսորում, չի ունենալու ներում խնդրելու որևէ հնարավորություն։
Ինչ վերաբերում է այս զանգվածային ձերբակալություններին, ապա դրանք ունեն հստակ նպատակ։ Ակնհայտ է, որ Նիկոլ Փաշինյանը Թուրքիայում վերջնականապես Էրդողանի ոտքերի տակ է դնելու Հայաստանի հանրապետության ազգային շահերը։ Չարաբաստիկ «Խաղաղության պայմանագրի» դիմաց նա անվերապահորեն կատարելու է թուրք-ադրբեջանական բոլոր պահանջներն ամբողջական ծավալով։ Իրականում այդ «խաղաղության պայմանագիր» կոչեցյալը Հայաստանի վերջնական կապիտուլյացիան է, որով Փաշինյանը փորձելու է կոտրել ՀՀ ողնաշարը։ «Խաղաղության պայմանագրի» համաձայնության վերջնական ձեռքբերմանը նախորդելու ու հաջորդելու են «Զանգեզուրի միջանցքի» տրամադրումը, ԵԱՀԿ Մինսկի խմբի լուծարումն ու Արցախի հարցի վերջնական փակումը, ադրբեջանցիների Հայաստանում բնակեցումը, Զինված ուժերի փաստացի կազմալուծումը ու «անկլավների» հանձնումը։ Այլ խոսքով հայաստանի հանրապետության փաստացի լուծարումը, ոչ պաշտոնապես թուրքական վիլայեթի վերածումը։
Ի դեպ, վերը նշված պայմանների կատարումը սոսկ ենթադրություն չէ, այդ բոլորի մասին ավել վաղ Նիկոլ Փաշինյանն արտահայտվել է իր տարբեր ելույթներում, իսկ Թուրքիայում կտրվի վերջնական փաթեթավորումը։
Նիկոլ Փաշինյանը հասկանում է, որ նախքան Մելիք Ֆրանգյուլի գերեզմանի կողքը տեղավորվելը նա դեռ պետք է պատասխան տա երկրային կյանքում, ու նաև լավ է հասկանում, որ այս աննախադեպ դավաճանությունը ու Հայաստանի հանրապետությունը պանթուրքիզմի կցորդի վերածելն առաջացնելու հսկայական ցնցում, ուստի ձերբակալելով քաղաքական ուժերի ու շարժումների ներկայացուցիչներին ցանկանում է կոտրել հարվածի այն նախնական ուժգնությունը, որը հաջորդելու է Թուրքիայից ստացվող լուրերին։ Ի դեպ, Հայ Առաքելական Եկեղեցու դեմ ընթացող տևական արշավը հենց այս համատեքստում պետք է դիտարկել, մնացյալը՝ խախտել են կուսակրոնությունը, թե՝ ոչ, ընդամենը հայրենահանձնումը քողարկելու արտաքին վարագույրն է։
Ու այսօր Փաշինյանը գնում է Վա բանկ, կամ նրան հաջողվում է թուրքական երաշխավորմամբ Հայաստանում հաստատել վերջնական բռնապետություն իր այլասերված դրսևորմամբ, կամ նա չի վերադառնա Թուրքիայից, փորձելով իր ողորմելի գոյությունը քարշ տալ ծվարած թուրքական որևէ քաղաքում, բայց երրրորդ անգամ եմ շեշտում, մինչև առաջիկա նովրուզ բայրամներից որևէ մեկը, քանի որ եթե նա չհաջողի իր ազգակործան ծրագիրը ավարտին հասցնելու, հետևաբար պետք չի լինելու ո’չ Էրդողանին, ո’չ էլ Ալիևին։
Կարեն Կարապետյան