Ամերիկայի Միացյալ Նահանգների նախագահ Դոնալդ Թրամփը ստորագրել է գործադիր հրաման, որն արգելում է դաշնային ֆինանսավորումն անչափահասների սեռը փոխելու համար, գրել են ԶԼՄ-ները։
Հրամանով նախատեսվում է միջոցներ ձեռնարկել՝ կանխելու նման վիրահատությունները։
«Բժիշկներն ամբողջ երկրում անդամահատում և ստերիլիզացնում են երեխաների մեծ թվով կեղծ պատրվակով, թե նրանք կարող են փոխել իրենց սեռը մի շարք անդառնալի բժշկական պրոցեդուրաների միջոցով: Այս վտանգավոր միտումը բիծ կլինի մեր երկրի պատմության վրա և դրան պետք է վերջ դրվի», - ասել է Թրամփը:
Փաստաթղթի համաձայն՝ արգելվում է պետական միջոցների օգտագործումը վիրահատությունների կամ հորմոնալ թերապիայի համար, որոնք ուղղված են 19 տարեկանից ցածր անձանց սեռը փոխելուն։ Թրամփը հանձնարարել է Առողջապահության և մարդկային ծառայությունների նախարարությանը վերանայել երեխաների գենդերային դիսֆորիայի բուժման ուղեցույցները և 90 օրվա ընթացքում ներկայացնել նոր զեկույց։