Թեհրանը միջնորդների միջոցով տեղեկատվություն է ստացել ԱՄՆ-ի՝ Իրանի հետ բանակցությունները վերսկսելու ցանկության մասին, հայտնել է Իրանի արտաքին գործերի փոխնախարար Մաջիդ Թախտ-Ռավանչին։

Նա նշել է, որ Թեհրանը միջնորդներից տեղեկատվություն է ստացել այն մասին, որ ԱՄՆ-ն չի պլանավորում Իրանում վարչակարգի փոփոխություն, նաև գործողություններ գերագույն առաջնորդ այաթոլլա Ալի Խամենեիի դեմ։

«Վաշինգտոնը մեզ ասում է, որ ցանկանում է բանակցություններ: Ժամկետները դեռևս համաձայնեցված չեն: Մենք չենք համաձայնեցրել ո՛չ ժամկետները, ո՛չ էլ մեթոդը», - ասել է նա BBC-ին: