ՊՆ նախկին շենքի բնակիչները ՊԵԿ-ի դիմաց ակցիա են սկսել՝ պահանջելով իրենց խնդրին լուծում տալ, որպեսզի բնակիչներից ոչ մեկն անտուն չմնա։
Հիշեցնենք, որ Պռոշյան համայնքում գտնվող ՊՆ նախկին շենքի բնակիչները տևական ժամանակ է պայքարում են տան համար, քանի որ վերջիններիս ստիպել են լքել շենքը, որովհետև այն փոխանցվել է Պետեկամուտների կոմիտեի հաշվեկշռին։
Ընդգծենք, որ բնակիչներն ամիսներ առաջ ծանուցվել են շենքը լքելու մասին, սակայն նրանք պնդում էին, որ գնալու տեղ չունեն և մոտ 150 ընտանիք երեխաների հետ դրսում է հայտնվելու։
MediaHub-ն ավելի վաղ հայտնել էր, որ ՊՆ նախկին շենքում բնակվող ընտանիքներից 12-ը տեղափոխվել են հանրակացարաններ, բնակիչների մի մասը չի համաձայնվել այդ պայմաններում ապրել, մյուս մասն էլ կեցության այլ տարբերակ ունի։
Իրադարձությունների հետագա զարգացումներին կարող եք հետևել MediaHub-ի ուղիղ հեռարձակմամբ։