Չիկագոյում ոստիկանությունը բացահայտել է անհետ կորած կնոջ գործը, որի ճակատագիրը 11 տարի շարունակ անհայտ է մնացել, հայտնում է NBC-ն։
61-ամյա Լինզեն Ֆրանկլինի առեղծվածային անհետացումը չբացահայտված է մնացել 2011 թվականի գարնանից, երբ նրա դուստրն առաջին անգամ դիմել է ոստիկանություն։ Ըստ շրջանի շերիֆի գրասենյակի կապիտան Ջեյսոն Մորանի, գործը բացահայտվել է քաղաքային գերեզմանոցում թաղված անհայտ մարդկանց և անհայտ կորած քաղաքացիների մատնահետքերը համապատասխանեցնելուց հետո:
«Առաջին բանը, որ մենք սկսում ենք անել, մարդու անհետացման և նրա հանգամանքների հետ կապված զեկույցներ, փաստաթղթեր և ապացույցներ ստանալն է», - ասել է Մորանը:
Նա նշել է, որ կորած կինը հոգեկան հիվանդություն ուներ, որը կարող է կապված լինել նրա անհետացման հետ: Ֆրանկլինի մատնահետքերի համեմատությունը առկա տվյալների բազայի հետ հաստատել է, որ կինը թաղվել է անհայտ մարդկանց գերեզմանում:
Պարզվել է, որ 2013 թվականին անհետ կորածը մահացել է Չիկագոյի հյուսիսային հատվածում գտնվող ավտոբուսի կանգառում սրտի կաթվածից։
Տարիների ընթացքում Ֆրանկլինի դուստրը «հուսահատ» փորձում էր գտնել մորը։
«Ես չեմ կարող չնշել. ընտանիքը չի ցանկանում վատ լուրեր լսել, բայց նրանք ցանկանում են բացահայտել գործը», - ավելացրել է Քուք շրջանի շերիֆ Թոմ Դարտը: