Ռուսաստանի դեմ ԵՄ պատժամիջոցների նոր՝ 13-րդ փաթեթը պաշտոնապես կհաստատվի մինչև փետրվարի 24-ը, այն կլինի ամենածավալուն պատժամիջոցներից մեկը. հայտարարել է ԵՄ Խորհրդում Բելգիայի ներկայացուցիչը։

«Եվրամիության դեսպանները հենց նոր սկզբունքային համաձայնության են եկել պատժամիջոցների 13-րդ փաթեթի շուրջ: Այս փաթեթը ԵՄ կողմից հաստատված ամենածավալուն փաթեթներից մեկն է, այն կանցնի գրավոր ընթացակարգով և պաշտոնապես կհաստատվի մինչև փետրվարի 24-ը»,- ասված է հաղորդագրության մեջ։

Արևմուտքը ուժեղացրել է Ռուսաստանի նկատմամբ պատժամիջոցների ճնշումը Ուկրաինայի պատճառով, ինչը հանգեցրել է էլեկտրաէներգիայի, վառելիքի և սննդի գների բարձրացմանը Եվրոպայում և ԱՄՆ-ում: ՌԴ նախագահ Վլադիմիր Պուտինը ավելի վաղ հայտարարել էր, որ Ռուսաստանին զսպելու և թուլացնելու քաղաքականությունը Արևմուտքի երկարաժամկետ ռազմավարությունն է, և պատժամիջոցները լուրջ հարված են հասցրել ողջ համաշխարհային տնտեսությանը։