Հունիսի 15-ին` ՀՀ դրոշի մասին գործող օրենքի ընդունման օրը, Երևանի քաղաքապետարանի նախաձեռնությամբ Երևանում բարձրացվել է Երևանի ամենաբարձր դրոշաձողով եռագույնը։
Ինչպես հայտնում է քաղաքապետարանի լրատվական ծառայությունը, դրոշը բարձրացվել է Երևանի «Կանաչապատում և շրջակա միջավայրի պահպանություն» ՀՈԱԿ-ի ջերմոցատնկարարանային տնտեսության տարածքում` 33 մետր բարձրությամբ դրոշաձողի վրա։
Տարածված հաղորդագրության մեջ նշվում է, որ դրոշաձողն ունի նաև շանթարգելի գործառույթ։