Իտալիայի նախագահ Սերջո Մատարելլայի նստավայրում՝ Քվիրինալյան պալատում, Ջիորջիա Մելոնին այսօր հանդիսավոր երդմամբ ստանձնել է Իտալիայի վարչապետի պաշտոնը: Նա Իտալիայի պատմության ընթացքում դարձել է առաջին կին վարչապետը:
45-ամյա Մելոնին ղեկավարելու է ամենաաջակողմյան կառավարությունը Երկրորդ աշխարհամարտից հետո:
Մելոնին «Իտալիայի եղբայրներ» ազգայնական կուսակցության լիդերն է: Այդ կուսակցությունը նախընտրական դաշինք է կազմել նախկին վարչապետ Սիլվիո Բերլուսկոնիի ղեկավարած «Ֆորցա Իտալիա» (Առա՛ջ, Իտալիա) կուսակցության և ազգայնական լիդեր Մատեո Սալվինիի առաջնորդած Լիգայի հետ: