Իսրայելի երեք ռազմական ստորաբաժանումներ կիրակի օրը մտել են հարավային Լիբանան։
ՄԱԿ-ի խաղաղապահ առաքելությունն իր հայտարարության մեջ նշել է, որ իսրայելական երկու տանկ ներխուժել է խաղաղապահների դիրքեր՝ վնասելով ենթակառուցվածքները։ Ըստ ՄԱԿ-ի զեկույցի՝ իսկ մեկ օր առաջ էլ իսրայելական ուժերն «արգելափակել են կրիտիկական լոգիստիկ գործողությունը»։
Ավելի վաղ Իսրայելի վարչապետ Բենյամին Նեթանյահուն ՄԱԿ ղեկավար Անտոնիու Գուտերեշից պահանջել էր խաղաղապահներին դուրս բերել Լիբանանի մարտական գոտուց
«Պարոն գլխավոր քարտուղար, դուրս բերեք ՅՈՒՆԻՖԻԼ-ի ուժերը հարվածի տակից: Դա պետք է արվի հենց հիմա, անհապաղ»,- ասել էր Իսրայելի վարչապետը կառավարության ղեկավարի գրասենյակի տարածած տեսաուղերձում։