Ցուրտ սեզոնին արժե կարգավորել սննդակարգը։ Ասել է SM-Clinic-ի գաստրոէնտերոլոգ Անաստասիա Չիժիկովան։

Նա РИАМО-ի հետ զրույցում նշել է այն սկզբունքները, որոնք պետք է պահպանել դիետա ընտրելիս։

Չիժիկովան նախազգուշացրել է, որ աշնան ու ձմռանը մարդուն անհրաժեշտ են ածխաջրեր՝ ջերմափոխանակության օպտիմալ մակարդակը պահպանելու համար, և վիտամին D, որի պակասը հանգեցնում է «ուրախության հորմոնների»՝ սերոտոնինի և դոֆամինի արտադրության նվազմանը։

Ցուրտ սեզոնին կարևոր է հետևել նաև մագնեզիումի, քրոմի և B խմբի վիտամինների մակարդակին:

Բժիշկը խորհուրդ է տվել սննդակարգ ավելացնել այս միկրոտարրերով հարուստ երկու մթերք։ 

Նա առաջարկել է ցուրտ ժամանակ ուտել մուգ շոկոլադ՝ կակաոյի բարձր պարունակությամբ, քանի որ կակաոյի հատիկները պարունակում են մագնեզիում, քրոմ, B խմբի վիտամիններ, մեծ քանակությամբ տրիպտոֆան, որը սերոտոնինի նախադրյալն է։

Բացի այդ, տրիպտոֆանը, մագնեզիումը, B խմբի վիտամինները և այլ օգտակար միկրոտարրերը մեծ քանակությամբ պարունակում է կաթնամթերքը, հատկապես պանիրը, նաև՝ միսը, ձուկը, հատիկաընդեղենը, ընկույզը, խավիարը, ծովային կաղամբը:

Նա խորհուրդ է տվել քաղցր նախուտեստները փոխարինել հացահատիկային սալերով, չորացրած մրգերով, թարմ մրգերով ու հատապտուղներով, բանջարեղենով (օրինակ՝ գազարի, նեխուրի կամ վարունգի կտորները գուակամոլով, ձիթապտղի յուղով կամ մածունի սոուսով), բնական յոգուրտը՝ թարմ կամ սառեցված հատապտուղների, ընկույզի, մեղրի, հացահատիկի հացի՝ պանրով, ձկան, միսի և բանջարեղենի, մրգերի և ընկույզի խառնուրդների ավելացմամբ։