Հնդկաստանի բնակիչներից մեկը հայտնի է դարձել այն բանից հետո, երբ ասել է, որ ապրում է սիլիկոնե տիկնիկի հետ, որն իր հանգուցյալ կնոջ ճշգրիտ պատճենն է, գրում է Oddity Central-ը, փոխանցում է lragir.com-ը։

Տապաս Սանդիլյան հայտնել է, որ իր կինը, ում հետ նա ապրել է 39 տարի, մահացել է 2021 թվականին՝ կորոնավիրուսի համաճարակի ժամանակ։ Կնոջ հուղարկավորությունից հետո տղամարդը սկսել է նկարիչ փնտրել, ով կարող է սիլիկոնից կնոջ ռեալիստական ​​պատճենը պատրաստել։ Տիկնիկի ստեղծման համար պահանջվել է վեց ամիս, իսկ հնդիկը վարպետին վճարել է մոտ 3000 դոլար։

Ըստ Tapas-ի՝ նա աշխատել է նկարչի հետ և վերահսկել գործընթացը, որպեսզի տիկնիկը ամենաճշգրիտ կրկնօրինակը լինի։ Այժմ 30 կիլոգրամանոց սիլիկոնե կինը, տոնական զգեստ հագած, ընդմիշտ նստած է ճոճանակի վրա՝ հանգուցյալի սիրելի վայրում։

«Եթե ինչ-որ մեկի մահից հետո մենք կարող ենք տանը շրջանակով լուսանկարներ պահել, ինչո՞ւ արձան չենք կարող պատրաստել»,- ասում է Սանդիլյան։