Այսօր Նիկոլ Փաշինյանը որոշել է պատասխանել քաղաքացիների հարցերին։ Արցախցի մի աղջկա հետաքրքրում էր, օրինակ, թե ի՞նչ պետք է անեն իրենք, եթե ցանկանում են աշխատել, բայց քաղաքացիություն չունեն։
«Ես մանասգիտությամբ իրավաբան եմ, փորձեցի աշխատանք գտնել դատական համակարգում, բայց քաղաքացիության հարցը խնդիր առաջացրեց։ Անձնագրային դիմել եմ, բայց պետք է սպասեմ իննսուն օրից ավելի, ինչը ևս խնդիր է․ այդ աշխատատեղն այլևս թափուր չի մնա։ Խնդրանքս այն է, որ այնպես կազմակերպվի, որ արցախցիները հնարավորություն ունենան աշխատել այդ հաստիքներում՝ մինչև քաղաքացիության հարցը լուծվի»,- նշեց նա։
Ի պատասխան՝ Նիկոլ Փաշինյանն ասաց, որ մինչև իննսուն օր կարգավորումն օրենքի պահանջ է։
«Բայց ես հրահանգ եմ տվել, որ Արցախից բռնի տեղահանված մեր հայրենակիցների քաղաքացիության հարցի լուծումը տեղի ունենա հնարավորինս արագ։ Մենք կարող ենք առանձնահատուկ վերաբերմունք ցուցաբերել այն բռնի տեղահանվածների նկատմամբ, ովքեր արդեն դիմել են հանրային ծառայության պաշտոնների համար։ Ես կհանձնարարեմ, որ այն քաղաքացիները, որոնք դիմել են ՀԾ անցնելու համար, նրանց գործերն ավելի արագ քննարկվեն։ Այնպես որ, Ձեր հարցից հետո ես կհանձնարարեմ, որ մեր քույր-եղբայրների գործերն ավելի արագ լուծում ստանան»,- նշեց նա։
Մանրամասները՝ տեսանյութում։