1․ Ժամանակն է շրջել հարաբերությունների էջը՝ մարդու հետ, ով ժամանակին շատ բան է նշանակել ձեզ համար: Այո, դուք միասին շատ ուրախ ու կարևոր պահեր եք ունեցել, բայց հիմա մնացել են միայն հիշողությունները, իսկ հարաբերություններն ինքնին հնացել են։ Անկախ նրանից, թե որքան ցավալի է, դուք պետք է կարողանաք ժամանակին բաց թողնել և հեռանալ:
2․ Ժամանակն է շրջել էջը և փոխել ձեր գործունեության շրջանակը: Մտածեք այն մասին, թե արդյոք անում եք հենց այն, ինչ ձեզ դուր է գալիս: Հավանաբար դուք փորձում եք արդարացնել ինչ-որ մեկի ակնկալիքները կամ համապատասխանել հասարակության չափանիշներին: Բայց ձեր հոգին ավելին է ուզում: Գտեք աշխատանք, որը ձեզ դրական էմոցիաներ կբերի։
3․ Ժամանակն է շրջել էջը և մոռանալ բոլոր վեճերը: Դուք չափազանց երկար եք ոխը պահում ինչ-որ մեկի դեմ, միգուցե ինքներդ դա չգիտակցելով: Դա կարող է լինել և՛ մանկության տրավմա, և՛ մի իրավիճակ, որը տեղի է ունեցել բոլորովին վերջերս, օրինակ՝ ընկերոջ կամ սիրելիի դավաճանությունը: Դուք չեք կարող փոխել ձեր շրջապատի մարդկանց, բայց դուք հաստատ կարող եք փոխել ձեր վերաբերմունքը իրավիճակի վերաբերյալ: Ազատվեք բացասական հույզերից, որպեսզի նոր դրական իրադարձություններ գան ձեր կյանք:
4․ Ժամանակն է շրջել էջը և թողնել անցյալում այն, ինչը խանգարում է ձեզ զարգանալ: Դա կարող է լինել վատ սովորություններ, սեր արագ սննդի նկատմամբ, ծուլություն և հետաձգում կամ այլ բան: Ժամանակն է աստիճանաբար դուրս սողալ ձեր հարմարավետության գոտուց՝ դառնալով ձեր լավագույն տարբերակը։ Այս հարցում կարևոր է չշտապել և գործել ձեր և ձեր մարմնի հանդեպ սիրո սկզբունքից։