ՌԴ խաղաղապահներն արձանագրել են նոյեմբերի 12-ին Ասկերանի շրջանում ադրբեջանցիների կողմից հրադադարի ռեժիմի խախտումը:
«Նոյեմբերի 12-ին` ժամը 15.30-ին, ադրբեջանական դիրքից հրաձգային զինատեսակներից կրակ է բացվել տեղի բնակչի վրա, ով գյուղատնտեսական տեխնիկայի կիրառմամբ հողային աշխատանքներ էր կատարում Խրամորթից 1,8 կմ դեպի արևելք ընկած տարածքում», -Այս մասին նշվում է ՌԴ ՊՆ տեղեկագրում:
Խաղաղապահներն արձանագրել են, որ գնդակոծության հետևանքով տեղի բնակիչներից մեկը թեթև վիրավորվել է, իսկ տեխնիկան`աննշան վնասվել է։
Տեղեկագրում նշվում է, փաստի առնչությամբ ռուսական խաղաղապահ զորախմբի հրամանատարությունը ադրբեջանական կողմի հետ հետաքննություն է անցկացնում։