Առաջին համաշխարհային պատերազմից հետո սահմանի այլընտրանքային վերանայման դեպքում Հալեպը, Իդլիբը, Դամասկոսը և Ռաքքան թուրքական քաղաքներ կլինեին, հայտարարել է Թուրքիայի նախագահ Ռեջեփ Թայիփ Էրդողանը Սաքարիայում՝ իր կուսակցության անդամների առջեւ կայացած հանդիպմանը, գրել են ԶԼՄ-ները։
«Հետաքրքիր է, ի՞նչ կլիներ, եթե պայմաններն այլ լինեին այն ժամանակ, երբ Առաջին համաշխարհային պատերազմը վերահաստատում էր սահմանները մեր տարածաշրջանում: Այն քաղաքները, որոնք մենք անվանում ենք Հալեպ, Իդլիբ, Դամասկոս և Ռաքքա, կդառնան մեր նահանգները, ինչպես Այնթապը, Հաթայը և Ուրֆան»:
Թուրքիայի նախագահն ընդգծել է, որ մտադիր է վերանայել Առաջին համաշխարհային պատերազմի արդյունքները, որոնց հետևանքով Հայոց ցեղասպանությունն իրականացրած Օսմանյան կայսրությունից «անջատվել էին հինգ օսմանյան նահանգներ»։
Մեկ այլ տարբերակով նա ասել է․ «Եթե մեր տարածաշրջանում առաջին համաշխարհային պատերազմի սահմանների գծման ժամանակ այլ պայմաններ լինեին, ի՞նչ կլիներ։ Մեծ է հավանականությունը, որ Հալեպը, Իդլիբը, Դամասկոսը նման քաղաքներ/տարածաշրջաններ կլինեին մեր նահանգները, ինչպես Հաթայը կամ Ուրֆան»։