Դրամի փոխարժեքը՝ այսօր
Եղանակը՝ այսօր
MediaHub TV

Էսքան մարդ բենզինով ա կոտորվել, էսքան զոհ ենք տվել, չեք ցավակցել․ արցախցին՝ Շահրամանյանին

Ես պատրաստ եմ բոլորի հետ հանդիպել ու քննարկել այն, ինչի մեջ ինձ մեղադրում եք կամ ինչ հարց, որ հղում եք։ Այս մասին այսօր Արցախի ներկայացուցչության դիմաց ասաց Արցախի  նախագահ Սամվել Շահրամանյանը՝ դիմելով արցախցիներին։

«Բոլորս էլ ձեզ հարգում ենք, ստեղ չհարգված մարդ չկա, բոլորս էլ ճանապարհ անցած մարդիկ ենք։ Եկեք որոշենք տեղն ու ժամը, եկող շաբաթ հանդիպենք»,-ասաց նա։

Շահրամանյանի խոսքն ընդհատեց քաղաքացիներից մեկն ու ասաց․

«Պարոն Շահրամանյան, եթե Հայաստանի իշխանությունը ձեզ չի վստահում, ո՞նց եք ժողովրդի հարցերը լուծելու։ Իմ կարծիքը չի, իրականությունն էդ ա»։

Շահրամանյանն էլ նշեց, որ ամեն ինչ իր պատասխանն ունի, բայց այսքան մարդու մոտ չի կարող ասել։ 
Քաղաքացին էլ մեղադրեց․ «Էսքան մարդ բենզինով ա կոտորվել, էսքան զոհ ենք տվել, չեք ցավակցել»։

Նախագահի խոսքն անընդհատ չէր լսվում, քանի որ քաղաքացիները ոչ միշտ էին պատրաստ նրան լսել։ 

Շահրամանյանի անվտանգությունն ապահովում են ոստիկանները։ 

Իրավիճակը շարունակում է լարված մնալ:

Մանրամասները՝ տեսանյութում

Send