Ռուսաստանը և Հայաստանը ստեղծել են հաղորդակցության օպերատիվ ուղիներ՝ կապված միմյանց տարածքում լրատվամիջոցների աշխատանքի հետ. այդ մասին TASS-ին տված հարցազրույցում ասել է Հայաստանում Ռուսաստանի դեսպան Սերգեյ Կոպիրկինը։

«Մեր երկրների միջև կա 2020 թվականի դեկտեմբերի 30-ի համաձայնագիր զանգվածային հաղորդակցության ոլորտում համագործակցության մասին, և դրա շրջանակներում էր, որ դեկտեմբերի 14-ին Ռուսաստանի Դաշնության թվային զարգացման, կապի և զանգվածային լրատվության նախարարության և Հայաստանի Հանրապետության բարձր տեխնոլոգիական արդյունաբերության ոլորտում տեղի են ունեցել երկկողմ խորհրդակցություններ։ Բանակցությունների ընթացքում ռուսական պատվիրակությունը լսել է իմ հայ գործընկերների փաստարկները և ի գիտություն ընդունել նրանց մտահոգությունները։ Կարևոր է, որ խորհրդակցությունների ընթացքում կողմերը համաձայնության են եկել հնարավոր տարաձայնությունները լուծելու շուրջ՝ մեր երկրների միջև բարեկամական հարաբերությունների ոգով»,- նշել է նա։

Ավելի վաղ Երևանը հայտարարել էր, որ Հայաստանի կառավարությունը չի քննարկում ռուսական հեռուստաալիքների արգելման հնարավորությունը, Երևանն ու Մոսկվան քննարկել են այս ոլորտում առկա խնդիրները։

Հիշեցնենք, որ նախօրեին ՀՌՀ-ի նիստում որոշվել է 30 օրով կասեցնել Sputnik Արմենիա ռադիոկայանի հեռարձակումը, վերահեռարձակող «Տոսպա» ռադիոընկերությունը մեկ ամսով զրկվել է լիցենզիայից։ Վարչական 2 վարույթ է հարուցվել ընկերության նկատմամբ և տուգանք նշանակել 500 հազար դրամի չափով։ Վարույթներից մեկը վերաբերում է «Ուրբաթը Տիգրան Քեոսայանի հետ» հաղորդման նոյեմբերի 17-ի եթերին, որի ընթացքում, ըստ հանձնաժողովի, հաղորդավարը բռնության կոչեր է հնչեցրել։ Մյուս վարույթը վերաբերում է «Աբովյան Time» հաղորդմանը։