Ուկրաինայի նախագահ Վլադիմիր Զելենսկին անձնական պատժամիջոցներ է սահմանել ռուս մշակույթի 119 գործչի նկատմամբ։ Այս մասին գրում է «ՏԱՍՍ» գործակալությունը:
Պատժամիջոցներ են սահմանվել Բաստայի, արտիստներ Իրինա Ալեգրովայի, Դմիտրի Բիլանի, Միխայիլ Գալուստյանի, Լարիսա Դոլինայի, Ֆիլիպ Կիրկորովի, Սերգեյ Լազարևի, Նիկիտա Միխալկովի և Եվգենի Պետրոսյանի նկատմամբ։
Ըստ աղբյուրի՝ սահմանափակող միջոցներ են մտցվել քաղաքագետ Ալեքսանդր Դուգինի, հեռուստահաղորդավարներ Դմիտրի Կիսելևի և Լեոնիդ Յակուբովիչի, դերասաններ Դմիտրի Դյուժևի և Դմիտրի Խառատյանի, երգիչներ Ռոդիոն Գազմանովի, Վլադիմիր Պրեսնյակովի, Ալեքսանդր Բույնովի և Լոլիտա Միլյավսկայայի նկատմամբ։
Սև ցուցակում են նաև ընդգրկվել օպերային երգչուհի Աննա Նետրեբկոն, RT հեռուստաալիքի գլխավոր խմբագիր Մարգարիտա Սիմոնյանը և ուկրաինացի հեռուստահաղորդավարուհի Ժաննա Բադոևան։ Պատժամիջոցների ենթարկված բոլոր անձանց ունեցվածքը արգելափակվել է տասը տարով։