Ռուսաստանի Դաշնության Զինված ուժերի և սահմանային ծառայության ներկայացուցիչները միջոցներ են ձեռնարկել Հայաստանի և Ադրբեջանի սահմանին իրավիճակը թուլացնելու համար. հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ խոսելով Հայաստանի հետ սահմանին Ադրբեջանի սադրանքի մասին։
«Ապրիլի 11-ին զինված միջադեպ է տեղի ունեցել հայ-ադրբեջանական սահմանի շփման գծում՝ Տեղ բնակավայրի մոտ։ Ցավոք, առկա տեղեկությունների համաձայն, կան զոհեր և վիրավորներ։ Զինված ուժերի և Ռուսաստանի ԱԴԾ սահմանային ծառայության ներկայացուցիչները, ովքեր գտնվում էին տարածքում, անմիջապես կապվել են Հայաստանի և Ադրբեջանի պատասխանատուների հետ և միջոցներ ձեռնարկել լարվածության թուլացման համար», - չորեքշաբթի ճեպազրույցում ասել է Զախարովան։
Նա հավելել է, որ «միջադեպը ևս մեկ անգամ հաստատում է Բաքվի և Երևանի փոխադարձ զսպվածության, ինչպես նաև մի շարք եռակողմ պայմանավորվածությունների խստիվ հավատարմության անհրաժեշտությունը»:
Ավելին՝ այստեղ