Սուրճն օգտակար է Պարկինսոնի հիվանդության կանխարգելման և հիվանդության առաջին ախտանիշների ի հայտ գալու դեպքում։ Սննդաբան Մարգարիտա Կորոլեւան «Հանրային լրատվական ծառայության» հետ զրույցում խոսել է այս ըմպելիքի անսպասելի օգուտների մասին։
Կորոլեւան նշել է, որ սուրճ խմելը խորհուրդ է տրվում այն մարդկանց, որոնք գենետիկորեն հակված են Պարկինսոնի հիվանդությանը և ունեն առաջնային ախտանիշներ։
Նա բացատրել է, որ կոֆեինը բարելավում է արյան շրջանառությունը դոֆամինի և ացետիլխոլինի ընկալիչների հատվածում: Դրա շնորհիվ ըմպելիքն օգնում է հետաձգել հիվանդության առաջացումն ու նույնիսկ նվազեցնում է դրա ախտանիշների սրությունը, ասաց սննդաբանը։
Բացի այդ, մասնագետը նշել է, որ ըմպելիքը բարելավում է աղիների շարժունակությունը և ունի մեղմ լուծողական ազդեցություն։ Սուրճը պարունակում է նաև օգտակար նյութերի մի ամբողջ շարք, որոնք բարելավում են նյութափոխանակությունն ու բարձրացնում ուղեղի ակտիվությունը։